أول قصيدة عامية لى أتمنى أن تنال إعجابكم
---------------------------
أمسك لسانك
- - - - - -
بشر تنداس بشر تنباس
بشر تنحط فوق الراس
آه منكم يا بنى ادمين
بقيتو للخيانة حراس
جبتو الغدر ده كله منين
كنت فاكركم طيبين
مخدوع وبقول مساكين
طلعتو ناس مش سهلين
أتاريكم إخوان شياطين
بتتعلمو فى الخسه سنين
وبغدركم بكت العين
والقلب بقى مهموم وحزين
تبيعو أخوكم لناس تانين
وتقولو سبنا وراح فين
كأن يعنى مش عارفين
ولا أنتم عليه متأمرين
افتكرو انكم من طين
وحتتعرضو يوم الدين
لسانكم حيوديكم فين
على جنه ولا أسفل سافلين
كفاية كلام على ناس تنين
فى اثنين عليكو شهدين
وقفين على الكتفين
وحيعرضو كتابك على إلى خلقنا
ولا أنتم برضه لسه نسين
حتى الصاحب بقى من الغدارين
بيضرب بالظهر ويقول ناس تنين
والله مش عارف
الاقيها منين ولا منين
------------------
بقلم أحمد عامر
ليست هناك تعليقات:
إرسال تعليق